Izraelitët protestojnë kundër dhunës ndaj grave

Mijëra burra dhe gra kanë dalë nëpër sheshe në Izrael për të protestuar kundër dhunës ndaj grave -  duke i nxitur autoritetet të marrin masa kundër abuzimeve të gjinisë femër në familje. Manifestimi ka nisur në Tel-Aviv, në Habima Square, një nga sheshet kryesore, ku qindra protestuese kanë vendosur mijëra këpucë femrash mbi asfalt, simbolikë e cila në të gjithë botën shpreh viktimat e dhunës. Protestuesit kanë bllokuar trafikun në disa qytete të vendit në orën 09.30 të mëngjesit të së Martës, duke i krijuar shqetësime qarkullimit të makinave, transmeton Klan Kosova. Në Hadera dhe në Herzliva dhjetëra punonjës shtetërorë kanë marrë pjesë në marshimin prej 24 minutash, në kujtim të 24 viktimave të dhunës familjare. Disa organizata feministe u kanë kërkuar qeverisë që të investojë 250 milionë sheke, rreth 60 milionë euro për një plan 5-vjeçar kundër dhunës mbi femrat.

klankosova.tv