Ivanov amniston politikanët që janë nën hetime

Presidenti i Maqedonisë Gjorge Ivanov sot pasdite ka njoftuar se ka marrë vendim që të firmos faljen e të gjithë politikanëve të cilët janë nën hetime, ndaj të cilëve është ngritur procedurë hetimore si dhe për një politikan i cili është duke vuajtur dënimin me burg.

Ivanov me këtë rast nuk ka nënvizuar se për cilët politikanë bëhet fjalë.

Kryetari i Maqedonisë ka theksuar se vendimin e ka marrë vetë dhe se për këtë nuk i ka njoftuar politikanët për arsye se ndoshta ndonjëri prej tyre ndihet i pafajshëm dhe këtë dëshiron ta tregoj përmes procedurës gjyqësoreraporton Alsat, përcjellë Klan Kosova.