Itali, numri i viktimave nga shembja e urës arrin në 41

Numri i të vdekurve nga shembja e urës në Itali ka arritur në 41 pasi tre trupa tjerë u gjetën nën rrënoja nga ekipet e shpëtimit. Të premten mbrëma u nxorën nga rrënojat trupat e një familjeje përfshirë edhe një fëmijë 9 vjeçar, shkruajnë mediat italiane, transmeton Klan Kosova. Diku rreth 20 njerëz ende nuk janë gjetur dhe punonjësit e shpëtimit vazhdojnë të kërkojnë për ata. Funerali për 18 viktima po mbahet sot në Itali ku po marrin pjesë edhe presidenti i Italisë, Sergio Mattarella dhe kryeministri, Giuseppe Conte. Në mesin e të vdekurve janë edhe dy shqiptarë nga Shqipëria.

klankosova.tv