Ismaili viziton Keqekollën, premton zhvillim edhe për zonat rurale

Kandidati i PDK-së për kryetar të Prishtinës, Uran Ismaili, ka vizituar sot fshatin Keqekollë, ku u takua me banorët dhe fermerin Feim Beqiri. Ai theksoi rëndësinë e zhvillimit të barabartë të qytetit dhe fshatrave, duke premtuar një qeverisje që i vendos qytetarët në qendër, kudo që jetojnë, transmeton klankosova.tv. ''Të dielën e kalova në Keqekollë, te ferma e Feim Beqirit, ku pashë nga afër punën dhe sfidat e qytetarëve që jetojnë e veprojnë në këtë fshat të kryeqytetit. Feimit i tregova për platformën tonë të zgjidhjeve, dhe për vizionin tonë për një Prishtinë që e ka qytetarin në qendër - si në fshat, ashtu edhe në qytet. Qeverisja ime nuk do të përqendrohet vetëm në zemrën urbane të qytetit, por edhe në fshatrat dhe periferitë ku jetojnë e punojnë mijëra qytetarë. Sepse një Prishtinë që funksionon, duhet të funksionojë për të gjithë – nga qendra deri në fshatrat e në lagjet më të largëta. #KohaPerPrishtinen''.