Ish-presidenti i Brazilit, Bolsonaro, shpallet fajtor për komplot të një grushtshteti

Ish-presidenti i Brazilit, Jair Bolsonaro, është dënuar për komplotin e një grushtshteti ushtarak. Tre nga pesë gjyqtarë të Gjykatës së Lartë e shpallën 70-vjeçarin fajtor për udhëheqjen e një komploti që synonte ta mbante në pushtet pasi humbi zgjedhjet e vitit 2022 ndaj rivalit të tij të krahut të majtë, Luiz Inacio Lula da Silva. Gjyqtarët zbuluan se derisa komploti nuk arriti të siguronte mbështetje të mjaftueshme nga ushtria për të vazhduar, ai kulmoi me sulmin ndaj ndërtesave qeveritare nga mbështetësit e Bolsonaros më 8 janar 2023. Një gjyqtar e liroi Bolsonaron nga akuzat dhe një i fundit ende nuk ka votuar, por shumica e thjeshtë është e mjaftueshme për të dënuar ish-presidentin, i cili tani mund të përballet me dekada burg. Ai do të dënohet të premten, shkruan BBC, transmeton Klankosova.tv.