Isa Mustafa: Me Vetëvendosjen bashkëpunojmë për të bërë opozitë

Kryetari i Lidhjes Demokratike të Kosovës, Isa Mustafa, ka thënë se me Lëvizjen Vetëvendosje bashkëpunojnë për të bërë opozitë. Ai ka thënë se ende nuk janë bërë bisedime se si këto dy parti do të hyjnë në zgjedhjet e ardhshme, transmeton Klan Kosova. "Relacionet me Vetëvendosjen i kemi për të bërë opozitë, po bashkëpunojmë në opozitarizëm. Nuk kemi bisedime se si të shkojmë në zgjedhje e ardhshme, për këtë vendosin organet e LDK-së dhe VV-së". "Nëse mendojmë se i fitojmë zgjedhjet vet, atëherë shkojmë vet, kjo është dëshira më e madhe në LDK. Nëse jo, atëherë bëjmë koalicion". "Sa i përket LDK-së, jemi në proces të zgjedhjeve në degë dhe nëndegë dhe nuk duam të gërshetojmë me atë se kush do të jetë nesër kryetar i LDK-së". "Nuk heqim dorë nga kandidati për Kryeministër, pavarësisht se me cilën parti hyjmë në koalicion. Jemi partia më e madhe në vend. Ne respektojmë të tjerët, por konsiderojmë se LDK e meriton ta qeverisë këtë vend". Mustafa këto komente i bëri pas mbledhjes së kryesisë në LDK.

klankosova.tv