Ka mbi dy muaj prej që ka nisur punën një grup punues ndërmjet Ministrisë së Shëndetësisë dhe Shërbimit Spitalor Klinik Universitar, për ndryshimin e statutit të SHSKUK-së.
Ndryshim ky që parasheh ribashkimin e Kardiologjisë Invazive me Klinikën e Kardiologjisë.
Mirëpo kardiologët invaziv përsëri po e kundërshtojnë këtë ide, ndaj rishtas kanë adresuar një ankesë tek MSh-ja, me arsyetimin se nuk janë përfshirë në grupin punues, përkundër që në të ka qenë një kardiolog.
Përfaqësuesi i kardiologëve invaziv Daut Gorani, thotë se kjo çështje nuk do të marr epilog pa ta dhe se zgjidhja e vetme është që Kardiologjia Invazive të qëndrojë në kuadër të Klinikës së Kardiokirurgjisë siç është aktualisht, ose të jetë e pavarur.
Derisa, Kreu i Shoqatës së Kardiologëve Gani Bajraktari thekson se Ministria nuk duhet ta lejojë vazhdimin e gjendjes ekzistuese.
Ndërkaq nuk dihet se kur Ministria do të vendos përfundimisht për këtë ndryshim, të cilin e ka propozuar bordi i SHSKUK-së në mars të këtij viti.
Kujtojmë se në 2017 ishte hera e fundit kur kardiologjia invazive iu ri-bashkëngjit kardiokirurgjisë.
https://youtu.be/4zqmACvUhtY
●●●
KKSHKRIMI NGA
Klan Kosova
Editorial nga Klan Kosova — ndjek lajme dhe zhvillimet e tjera kryesore të vendit.
