Interi sonte e pret Fiorentinën, ndeshja transmetohet në Sport 1 të Art Motion

Në ndeshjen e mbetur nga xhiro e 14-të, Inter u deklasua në Firencë me rezultat 3-0 nga Fiorentina. Me kundërshtarin e njejtë, kampioni aktual i Italisë, përballet sonte në stadiumin "Giuseppe Meazza" të Milanos, njofton Klankosova.tv. Dy barazimet e fundit që i mori lideri i renditjes tabelare në Serie A, Napoli (ndaj Romës dhe Udineses), e mbajnë të hapur garën në Itali, pasi nëse "Nerazzurët" fitojnë sonte, afrohen vetëm një pikë pranë ekipit të Amir Rrahmanit. Skuadra e kapitenit të Kombëtares së Kosovës, në 24 xhiro kampionale ka grumbulluar 55 pikë, duke u ndjekur nga "Zi-kaltërit" që kanë katër sosh më pak, por një ndeshje për ta zhvilluar. Inter - Fiorentina transmetohet sonte në kanalin Sport 1 të platformës kryesore shqiptare, Art Motion, me fillim në orën 20:45.