Ilaçi Invokana kundër diabetit, po parandalon edhe sëmundjet e veshkave

Një ilaç që përdoret për të ndihmuar kontrollin e sheqerit në gjak në njerëzit me diabet, tani është treguar të ndihmojë në parandalimin një problemi tjetër shëndetësor. Ilaçi sipas studiuesve në Australi, parandalon ose bënë ngadalësimin e sëmundjes së veshkave, që shkakton miliona vdekje çdo vit dhe kërkon që qindra mijëra njerëz të përdorin dializën për të qëndruar gjallë, njofton Klan Kosova. Mjekët thonë se është e vështirë të mbivlerësohet rëndësia e këtij studimi dhe çfarë do të thotë për frenimin e këtij problemi, i cili po rritet për shkak të epidemisë së trashjes. Studimi testoi medikamentin e Janssen Pharmaceuticals 'Invokana'. Rezultatet u diskutuan në një takim mjekësor në Australi dhe u botuan nga New England Journal of Medicine. Rreth 30 milionë amerikanë dhe më shumë se 420 milionë njerëz në mbarë botën kanë diabet, dhe shumica e rasteve janë diabeti i tipit 2, lloji i lidhur me trashje. Kjo ndodh kur trupi nuk mund të bëjë mjaftueshëm ose të përdorë siç duhet insulinën, që e kthen ushqimin në energji, njofton Klan Kosova.