Lajmet e fundit
Dikur nuk ishin shumë të përdorshëm dhe konsideroheshin thjeshtë si aksesorë për divanin, ndërsa jastëkët sot përdoren për të dekoruar dhe personalizuar pothuaj të gjitha dhomat e shtëpisë.
Japin një pamje karakteri sallonit, falin ngrohtësi në dhomën e gjumit dhe krijojnë një atmosferë të këndshme në tarracën e shtëpisë.
Idetë për të rregulluar me jastëk janë të shumta, mjafton të luani me fantazinë dhe krijimtarinë.
Ja disa ide nga cilat mund te merrni frymëzim.
1. Jastëkët në krevat
Jastëk të materialeve të ndryshme dhe formave i japin krevatit stil. Ideal për te rinovuar dhomën e gjumit, jastëkët mund te zëvendësohen lehtësisht, duke personalizuar dhomën gjithmonë me një pamje të re. Luani me fantazitë dhe ngjyrat për ta bërë më mikpritës ambientin.
2. Jastëk ngjyrë pas ngjyre
Nëse dëshironi të krijoni një ambient harmonik në sallonin e shtëpisë, zgjidhni një ngjyrë për jastëk në një linje me divanin. Mund të luani me materialet pak a shumë të errëta dhe në fantazi të ndryshme. Jastëkët njëngjyrësh me forma gjeometrike e bëjnë sallonin modern, elegant por dhe diskret.
3. Jastëkët me ngjyra për sallonin
Jastëkët mund të bëhen element i dalluar i sallonit të shtëpisë duke i dhënë një pamje karakteri dhe personaliteti. Në këtë rast duhet të zgjidhni tonalitete të ndezura dhe në kontrast. Për një sallon glamur, ngjyra rozë është një ndër nuancat më të preferuara
4. Jastëkët për të rinovuar shtëpinë
Një ide e lehtë dhe e shpejtë për të rinovuar shtëpinë duke shpenzuar pak është ajo për të ndryshuar jastëkët e sallonit apo të dhomës së gjumit në bazë të sezonit që jeni. Për sezonin veror është mirë të preferoni fantazitë ekzotike apo tropikale, për sezonin e vjeshtës preferoni gjethet e thata dhe frutat e pyllit. Gjate dimrit sillni në shtëpi atmosferën e peizazheve dimërore dhe të periudhës së festave.
5. Jastëkët për në tokë
Jastëkët për në tokë janë aksesorët e nevojshëm për t'i dhënë shtëpisë një pamje mikpritëse dhe të ngrohtë. Shumë i vlerësuar është dhe stili etnik. Gjatë sezonit veror mund t'i përdorni edhe në tarracën e shtëpisë.
