Lajmet e fundit
Djali i diplomatit të ndjerë Richard Holbrooke, David Holbrooke sot gjatë ditës është duke qëndruar në qytetin e Vitisë.
Pasi takimit me kreun e komunës së Vitisë dhe vizitës së tij pranë bustit të babait të tij në këtë qytet, Holbrooke ka vazhduar në Galerinë e Arteve të qytetit të Vitisë ku komunarët kishin përgatitur një mini-ekspozitë me fotografi të Richard Holbrooke gjatë punës së tij në Kosovë, njofton Klan Kosova.
Krytari i Vitisë, Sokol Haliti ka thënë se qyteti i tyre nga viti i kaluar e ka një qytetar më shumë pasi Holbrooke ishte nderuar si qytetar nderi.
Me këtë rast Haliti ka falënderuar ShBA-të, NATO-në dhe Ambasadën e Amerikës për të gjitha kontributet e dhëna në Kosovë dhe Ballkan.
