Lajmet e fundit
Ministri i Punës dhe Mirëqënies Sociale, Arban Abrashi në një postim në llogarinë e tij në Facebook ka shkruar se janë pastruar listat e pensionistëve të cilët kanë ndërruar jetë .
Kësisoj ai ka reaguar ndaj një lajmi të publikuar së fundmi në media , sipas së cilit pensionistët e vdekur morrën nga shteti mbi 800 mijë euro.
"Nuk qëndron aspak, konstatimi se janë paguar 800.000euro në vitin 2015. Këto pagesa kanë të bëjnë me pagesa që janë bërë nga viti 2006 deri kur në momentin kur ne kemi pastruar listat. Pra ne si kabinet, kemi identifikuar dhe ndaluar pagesat për këto pensione, kemi pastruar listat dhe evidence ln" ka shkruar ai, transmeton Klan Kosova.
Lexoni më poshtë postimin e plotë të tij:.
Pagesat 2006-2015, kthimi mjeteve, dhe pastrimi listave
Sa për sqarim të opinionit publik, me lejoni të sqaroj të gjeturën e auditorit, rreth lajmit të plasuar se kaq e kaq mjete, janë paguar për pensionistë që kane ndërruar jetë.
Të nderuar miq,
Me marrjen e detyrës së Ministrit, dhe pas kërkesave direkte të mia për menaxhim sa më të mirë të skemave, si ide inovative, kemi inicuar marrëveshjen me ARC dhe Bashkesitë fetare, në mënyrë që kemi informata në kohë reale, dhe mos të bejmë pagesa paushale të pensioneve, ashti sic ishte bërë vite e vite me rradhë.
Marrëveshja është inicuar në Mars 2015, është nënshkruar në Qershor 2015, dhe pas "konsultimeve" të stafit të dy shërbimeve, MPMS ka pranuar shenimet e para në Shtator/Tetor 2015. Prandaj normalisht që marreveshja ka filluar të zbatohet pas shtatorit.
Nuk qëndron aspak, konstatimi se janë paguar 800.000euro në vitin 2015. Keto pagesa kanë të bëjnë me pagesa që janë bërë nga viti 2006 deri kur në momentin kur ne kemi pastruar listat. Pra ne si kabinet, kemi identifikuar dhe ndaluar pagesat për këto pensione, kemi pastruar listat dhe evidence ln.
Gjithashtu, sa për informatë, ne kemi filluar dhe identifikimin e mjeteve nëpër bankat komerciale. Janë mbi 400.000 euro kthime, vetëm vitin 2015.
Lusim të gjithë të interesuarit, që mund të kenë paqartësi, që të urdhërojnë dhe të na kontaktojnë në çdo kohë, dhe ne do t’iu ofrojmë të gjitha informacionet e nevojshme para së të prodhojnë deklarata bombastike ose të na akuzojnë për të bëmat 2006-2015.
