Lajmet e fundit
Menaxheri i Aston Villa, Steven Gerrard, është larguar nga klubi pas humbjes 3-0 të së enjtes në Premier League nga Fulham, shkruan BBC, transmeton Klan Kosova.
Një zëdhënës i klubit tha: “Dëshirojmë të falënderojmë Steven për punën dhe angazhimin e tij të palodhur dhe t'i urojmë sukses për të ardhmen”.
Villa ka fituar vetëm dy herë në ligë këtë sezon dhe qëndron mbi zonën e rënies vetëm për golat e shënuar.
Gerrard pasoi Dean Smith si menaxher të Villa në nëntor të vitit 2021 pasi la rolin e tij në Rangers.
Por, ish-mesfushori i Anglisë dhe Liverpool-it, 42 vjeç, e udhëhoqi Villan në vetëm 13 fitore nga 40 ndeshje gjatë 11 muajve të tij në krye.
Pas humbjes nga Fulham, ai tha për BBC Match of the Day: "Mospërputhja na ka kushtuar, kjo është situata në të cilin e gjejmë veten. Unë jam një luftëtar - është në ADN-në time. Do të vazhdoj të luftoj nëse nuk më thonë ndryshe".
Rreth një orë më vonë koha e tij si shef i Villas kishte mbaruar.
