Tahiri: Qeveria promovon Kosovën si vend ku lindën manastiret e kishës ortodokse serbe

Shefi i grupit parlamentar nga Partia Demokratike e Kosovës, Abelard Tahiri, ka thënë se qeveria po e promovon Kosovën si një vend ku kanë lindur manastiret e kishës ortodokse serbe. Kështu ka thënë ai në një fjalë rasti në foltoren e kuvendit, ku shtoi se këtë informatë e ka pranuar nga një bashkatdhetar nga Franca, njofton Klan Kosova. “Dje kam pranuar një telefonatë nga një bashkëqytetarë nga Franca, ku më tha se e ka parë një revistë ku thuhet se Kosova është tokë bizantine dhe vendi ku lindën manastiret e kishës ortodokse serbe”. Sipas Tahirit, kjo është një doktrinë e shtetit serb që nuk do të duhej të promovohej nga Kosova. “Nga taksat tona sponsorizohet një artikull i tillë - vendin tonë e promovojnë si një vend ku kanë lindë manastiret ortodokse serbe”.

klankosova.tv