Kusari-Lila: Gjakova sot u zgjua me pamjen e drunjve të prerë

Ish-kryetarja e Gjakovës, Mimoza Kusari-Lila, ka postuar disa fotografi në Facebook ku shihet se në rrugën “Nëna Terezë” në Gjakovë janë prerë disa drunj, që sith theksoi ajo, "janë rreth 40-50 vjeç dhe e gjithë kjo po bëhet për zgjerimin e rrugës dhe për ngushtimin e  trotuarit". “Ky jo vetëm që është krim mjedisor, është krim mbi të drejtat dhe liritë e njeriut, është krim mbi trashigiminë historike dhe urbane, krim mbi identitetin e qytetit dhe është krim pasojat e të cilit do të ndjehen edhe për shumë vite tjera” u shpreh Kusari-Lila, transmeton Klan Kosova. Kusari-Lila nuk ka lënë pa përmendur edhe sloganet që gjenden në atë pjesë të rrugës e që i përkasin partisë së Ramush Haradinajt dhe kryetarit të tanishëm të Gjakovës, Ardian Gjinit, duke thënë se kjo është pamja e vërtetë e sloganit nga partia që e udhëheqë këtë komunë. “Fatkeqësisht kjo është pamja e vërtetë e slloganit të zgjedhjeve qendrore nga partia në pushtet në Gjakovë,  “Kosova 100%” dhe sllogani i zgjedhjeve lokale “Tash Gjakova” - ka shkruar mes tjerash ajo.