Jennifer Lawrence del me të dashurin e ri

Ajo u nda nga i dashuri i saj pas gati një vjet lidhje. Por Jennifer Lawrence duket se është shumë e lumtur në krahët e atij që po thuhet se është i dashuri i saj i ri, Cooke Maroney, në New York. Të dy janë parë krahë për krahë, në një mbrëmje romantike derisa 27 vjeçarja kishte zgjedhur të vishte një minifund me pika (polka dots) me bluzë të bardhë. Ajo kishte veshur këpucë lëkure dhe i kishte kombinuar me një qafore dhe vathë argjendi, transmeton Klan Kosova. Edhe Maroney dukej se kishte zgjedhur thjeshtësinë në këtë takim. Ai kishte të veshur po ashtu një bluzë të bardhë me pantollona ngjyrë bezhë dhe atlete. Aktorja dhe artisti janë takuar përmes mikes së Lawrence, Laura Simpson, ka thënë një burim për Page Six. “Lidhja po vazhdon tash e disa javë. Por ata kanë qenë shumë të rezervuar të mos shihen së bashku”, ka thënë ky burim. Aktorja së fundmi ishte e lidhur me Darren Aronofsky me të cilin u nda në nëntor të vitit 2017. Ajo ishte e lidhur edhe me frontmanin e Coldplay, Chris Martin në vitin 2014 dhe aktorin Nicholas Hoult (2012-2014).