Lajmet e fundit
Një person është vrarë dhe disa të tjerë u lënduan në një sulm me thikë në Paris, njofton BBC, duke iu referuar mediave franceze.
Sulmuesi, i cili nuk është identifikuar, raportohet se është qëlluar për vdekje nga policia pasi i kishte therur disa persona, duke e lënë të vdekur njërin prej tyre.
Incidenti ka ndodhur në distriktin Opera të Parisit qendror.
Dëshmitarët e rastit kanë folur me panikë, duke treguar se si njerëzit po vraponin nga rruga për të hyrë nëpër restorante. Motivi i sulmit ende nuk është bërë i ditur.
