Hoti: Nuk do të ketë izolim të Kosovës, kjo Qeveri është serioze

Kryeministri i vendit, Avdullah Hoti, ka thënë se më nuk do të ketë izolim të Kosovës, transmeton Klan Kosova. "Për 100 ditë, e kemi kthyer Kosoven aty ku e ka vendin: në Shtëpinë e Bardhë, në kryeqytetin e BE-së në Bruksel, në selinë e NATO-s, në Paris dhe së shpejtë edhe në qendrat e tjera". "Pas një devijimi disa vjeçar, e kemi kthyer Kosovën prapë në rrugën e integrimit euro-atlantik". "E gjithe kjo është arritur pa shpenzuar miliona për lobim, por me përkrahjen e miqve, duke i bindur se kjo Qeveri është serioze karshi zotimeve të veta, me vendimmarrje bazuar në ligje dhe Kushtetutë, e jo interesa parapolitike", ka shkruar Hoti në rrjetin social Facebook.