Lajmet e fundit
Enver Hoti, deputet i “Nismës për Kosovën” në Kuvendin e Kosovës, ka thënë se kjo Qeveri duhet të bjerë dhe vendi duhet të shkojë në zgjedhje,transmeton Klan Kosova.
Hoti tha se paritë që qeverisin tani duhet të shkojnë në pushim dhe se opozita aktuale do ta qeverisë vendin. Sipas tij, nuk do të vijë në konsideratë një koalicion i “Nismës” me partitë në pozitë në rast se shkohet në zgjedhje të parakohshme. Ai siguron se mocioni për rrëzim të Qeverisë do të futet në Kuvend brenda këtij muaji.
Nisma për Kosovën” ka nisur një mocion mosbesimi ndaj qeverisë Mustafa. Ky mocion përveç përkrahjes së opozitës ka marrë një përkrahje edhe nga deputetët e Partisë Demokratike të Kosovës.
Mocioni do ta marrë përkrahjen e duhur nga deputetët në mënyrë që të kalojë në Kuvendin e Kosovës. Kështu ka thënë deputeti i partisë “Nisma për Kosovën”, Enver Hoti, në një intervistë dhënë për gazetën “Zëri”. Sipas tij, kjo Qeveri duhet të bjerë dhe vendi duhet të shkojë në zgjedhje.
"Ka interesim, por ka edhe hezitim për mocionin, mendoj që java e ardhshme do ta shpalosë edhe më tutje qëndrimin e secilit. Ne vazhdojmë t’u bëjmë thirrje edhe deputetëve të mazhorancës, edhe të komuniteteve pakicë".
