Hoti flet pas takimit me kryetarët e komunave

Kryeministri i vendit, Avdullah Hoti, ka zhvilluar sot një takim me kryetarët e Komunave të Kosovës. Pas këtij takimi, ai ka bërë një prononcim para gazetarëve ku ka theksuar se është ndarë i kënaqur nga ky takim. “Diskutuam për ndarjen e këtij buxheti prej 10 milionë eurosh, plus shtesa prej 29 milionë eurosh që komunat i kanë në dispozicion për t’i shpenzuar për çështje të ndryshme”. “Biseduam gjerësisht për fillimin e vitit të ri shkollor. U prezantua master plani se si hapen shkollat dhe çfarë ndodh në rast se në një shkollë na paraqiten raste me COVID-19”. “Bëmë një vlerësim të situatës me pandeminë. U dakorduam se si do të veprojmë tutje. Unë jam tejet i kënaqur me diskutimin me kryetarët e Komunave”. “Master plani do të kalojë në qeveri dhe vendimit do ta marrë Ministria e Arsimit duke shqyrtuar protokollet se çka do të ndodhë nëpër shkolla. Sa i përket buxhetit, komunat kanë në dispozicion 29 milionë euro”. “Nuk është fare çështja te buxheti, por është tek procedurat që duhet të ndiqen”. “Ngadalë është krijuar kultura qytetare për respektimin e masave. Nuk do të ketë shumë nevojë për masa forcuese, por për më shumë për këshilla. Nuk mund të them se do të shkojmë kah lirimi i masave sepse numri i rasteve me fatalitet është ende i lartë”.

klankosova.tv