Lajmet e fundit
Zëvendësministri i Kulturës, Rexhep Hoti ka pritur sot në takim kryetarin e Listës Serbe, z Sllavko Simiq më të cilin biseduan rreth bashkëpunimit mes MKRS-së dhe komunave në përgjithësi, me theks të veçantë ato në pjesën veriore.
Hoti dhe Simiq folën për fushën e legjislacionit, funksionalizimit të bashkëpunimit në kuadër të Republikës për të gjitha komunat e vendit, në fushën e kulturës, trashëgimisë, rinisë dhe sportit.
Me theks të veçantë, u bisedua rreth shtrirjes së aktiviteteve në komunat e Zubin Potokut, Leposaviqit e Zveqanit, nëpërmjet projekteve dhe nismave konkrete.
Zëvendësi i Kujtim Shalës theksoi se bashkërendimi i veprimeve dhe ndërtimi i një bashkëpunimi të mirëfilltë është i rëndësisë së lartë drejt përmbushjes se nevojave të komunitetit serb në Kosovë, në fushën e kulturës, rinisë dhe sportit.
Nga ana tjetër, Simiq falënderoi zëvendësministrin Hoti për pritjen dhe e vlerësoi lartë gatishmërinë e MKRS-së për të ndihmuar në nisma dhe projekte konkrete.
Të dy u dakorduan që në të ardhmen të bëhen vizita në komunat e pjesës veriore të vendit dhe të zhvillohen takime me përfaqësues të të gjitha komuniteteve që jetojnë në atë pjesë, në mënyrë që të shihen nevojat konkrete në fushat të cilat i mbulon MKRS.
Temë diskutimi mes tyreishte edhe procesi i zgjedhjes së presidentit të vendit, transmeton Klan Kosova.
