Historia e Shemsedin Hoxhaj, banorit të Dushkajës që u largua drejt Stambollit para 56 vjetësh (VIDEO)

Sot në "Ora shtatë" në një lidhje direkte nga Stambolli ishte Shemsedin Hoxhaj, shqiptari nga Dushkaja e Istogut që u largua për në Turqi në vitin 1966. Bashkë me të ishte edhe Mujaser Mamuti, shqiptari nga Maqedonia që jeton në Stamboll. Dëshira e Hoxhajt për të marrë pasaportën kosovare është njëra ndër ëndrrat e tij më të mëdha. "Kom qejf me marrë pasaportën e Kosovës se jam me zemër e me gjak shqiptar, s'di sa herë kam shku me nxjerrë po nuk po ma japin. Unë jam një shqiptar që gjithë natën mendoj për Kosovën...", tha ai. Ai po ashtu tha se ka dëshirë që trupi i tij të varroset në Kosovë. "E kam gjakun shqiptar, zemrën shqiptare, shqiptar kam lindë, shqiptar do të vdes", ka thënë ai. Ai ndër të tjera, foli edhe për vështirësitë nëpër të cilat ka kaluar kur ishte shpërngulur me familjen e tij në Stamboll.