Haziri: Dy nga tre të infektuarit punojnë në kampin Bonsteel

Kryetari i Gjilanit, Lufti Haziri, nëpërmjet rrjetit social, Facebook, ka bërë të ditur se dy nga tre rastet e reja me koronavirus kanë punuar në kampin Bonsteel. Haziri mes tjerash ka njoftuar se nga 21 raste në total, 14 trajtohen si të shëruar plotësisht dhe shtatë janë të infektuar, njofton Klan Kosova Ky është postimi i plotë i Hazirit: Pas mostrave të marra nga Insitituti Kombëtar i Shëndetësisë Publike, edhe tre raste të reja janë konfirmuar me #Covid19 në Gjilan, derisa shtatë persona kanë rezultuar negativë. Bëhet fjalë për dy bashkëqytetarë që punojnë në Bonsteel Camp, ndërkaq rasti tjetër është bashkëshortja e N.I. Pra, dy raste nga qyteti dhe tjetri nga Lladova. Lajmi i mirë është se prej 21 rasteve nga numri total, 14 trajtohen të shëruar plotësisht, derisa shtatë janë me infeksion. Ne po luftojmë me të panjohurën. Mos i rrezikon fëmijët, familjen, lagjen e qytetin tuaj. #rriNshpi