Lajmet e fundit
Në fshatin Polac të Skënderajt sot është përuruar monumenti i heroit "Hasan Prishtina".
Në këtë ceremoni ishin të pranishëm edhe kryekuvendari Kadri Veseli, kreu i AAK-së, Ramush Haradinaj , deputetë nga të dyja partitë si dhe banorë të këtij fshati.
Me këtë rast, Veseli e vlerësoi lart kontributin e atdhetarit "Hasan Prishtina" dhe gjithashtu tha se Polaci dhe Drenica e ka merituar ta ketë një bust të heroit si "Hasan Prishtina" , pasi sipas tij shumë pak e dinin se familja e Prishtinës vinte nga ky fshat.
Fjalë të njëjta për heroin foli edhe i pari i AAK-së, Ramush Haradinaj.
Sipas kreut të Aleancës për Ardhmërinë e Kosovës, ky lapidar është edhe një shembull tjetër që tregon se Drenica di t`i nderojë heronjtë e kombit, njofton Klan Kosova.
