Haradinaj takohet me kongresistët amerikanë

Kryeministri i Kosovës, Ramush Haradinaj, ka treguar se ka zhvilluar një takim me disa kongresistë amerikanë, ku i ka njoftuar ata për reformat që po i ndërmerr Qeveria e Kosovës në shumë fusha me rëndësi. Haradinaj gjithashtu i ka falënderuar kongresistët për rolin e tyre të veçantë në procesin e shtet ndërtimit të Kosovës, njofton Klan Kosova. “Kërkova nga miqtë tanë që të mos e ndalojnë lobimin e tyre për Kosovën, që si shteti më i ri në rajon, të njihet nga të gjitha vendet e botës dhe të jetë pjesë e organizatave ndërkombëtare”, ka shkruar Haradinaj, në llogarinë e tij të Facebook-ut. Kryeministri po ashtu ka theksuar se kongresistët e kanë siguruar atë për mbështetjen e plotë të shtetit amerikan. “Faleminderit që keni qenë çdoherë zëri më i fuqishëm i Kosovës!”, ka shtuar Haradinaj.  

klankosova.tv