Haradinaj s’e mban premtimin për vizat

Ramush Haradinaj kishte premtuar se brenda këtyre ditëve të qeverisjes së tij, kosovarët do të mund të udhëtojnë pa viza, njofton Klan Kosova. “Edhe sot e përsërit këtë Zotim: Me Qeverinë e re brenda 90 ditësh qytetarët e Kosovës do të udhëtojnë pa viza në Gjermani, Zvicër, Austri dhe krejt Evropën”, kishte thënë Haradinaj m 30 maj, një ditë para hapjes zyrtare të fushatës për zgjedhjet nacionale që janë mbajtur më 11 qershor. Sot kur janë bërë 92 ditë të Qeverisë Haradinaj, ai ka thënë para gazetarëve se lajmi për vizat është çështje javësh, njofton Klan Kosova. “Besoj që është interesim i të gjithë neve që të bëhet sa më shpejt, jam aktiv në këtë temë”. “Nuk besoj se do të zgjas pa kufi - do të marrim një afat të caktuar, mendoj se lajmin për liberalizimin e vizave mund të marrim brenda javësh”. “E kam edhe një vizitë në Bruksel me 18 - Kosova duhet të ndërmerr atë që i takon ose s’ka pse të merr pjesë në këto takime”.

klankosova.tv