Haradinaj në Ditën e Rinisë: Kosova është vend që ofron

Kryeministri i Kosovës, Ramush Haradinaj, ka uruar të rinjtë në ditën e tyre, duke shkruar në Facebook se “Kosova është me fat që popullsinë e saj e ka të dominuar nga të rinjtë”, njofton Klan Kosova. Sipas kryeministrit, “të rinjtë tanë sot më shumë se kurrë kanë mundësi të guxojnë, të kërkojnë e të ëndërrojnë”. “Ndonëse përballë kemi shumë sfida, Kosova është vend që ofron”. “Gjeneratat e reja, që janë shumë në numër e shumë ne ide, kanë krijuar modelin shembullor të të rinjve të arsimuar dhe energjik dhe që besojnë e promovojnë meritokraci dhe vlerë”. “Historikisht të rinjtë tanë ka kanë dalë në sfida dhe etapa të shtetndërtimit dhe tani Kosovës më shumë se kurrë i duhet kontributi i rinisë në fusha e procese të rëndësishme të vendit”. “Do të punojmë në vazhdimësi në bazë të politikave programore përkatëse që të krijojmë sa më shumë mundësi punësimi për ta. Kosovë, urime dita e rinisë”.

klankosova.tv