Haradinaj nderon figurat e Kosovës për nder të dhjetëvjetorit

Kryeministri Ramush Haradinaj së bashku me kabinetin e tij kanë bërë homazhe tek figurat kryesore të Kosovës në nder të dhjetëvjetorit të Pavarësisë, njofton Klan Kosova. “Sa herë kemi festë, nderojmë sakrificën dhe punën e madhe të të gjithë atdhetarëve tonë”, ka shkruar Haradinaj në profilin e tij në Facebook. “Kur po bëhemi gati që ta festojmë 10-vjetorin e pavarësisë së shtetit tonë, në Prekaz, vendin e kthesës së madhe, përkulemi tek varret e Jasharëve dhe te komandanti legjendar Adem Jashari”. “Nderojmë e kujtojmë Zahir Pajazitin dhe të gjithë heronjtë që ranë për atdhe, për ta ridëshmuar përcaktimin dhe betimin tonë për mbrojtjen e lirisë me çdo çmim”. “Sa herë vijnë përvjetorë të pavarësisë së Kosovës, kujtojmë ideatorin dhe kreatorin e saj, presidentin historik, Ibrahim Rugovën”. “Lavdi të gjithë brezave që kanë dhënë çdo gjë për lirinë dhe pavarësinë e Kosovës”!

klankosova.tv