Lajmet e fundit
Kryetari i Aleancës për Ardhmërinë e Kosovës, Ramush Haradinaj, ka thënë se lajmi për vdekjen e Fazli Veseli, është pikëllues.
Përmes një postimi në Facebook, Haradinaj tha se vdekja e tij erdhi në një moment të rëndë për familjen Veseli për shkak të rrethanave tanimë të njohura.
“Pikëllues lajmi për ndarjen nga jeta të Fazli Veselit, babait të luftëtarit të orëve të para, bashkëthemeluesit të UÇK-së, ish kreut të Kuvendit të Kosovës, Kadri Veseli.
Baca Fazli iku nga kjo botë duke lënë mbrapa një jetë të tërë me sfida. Vdekjet nuk janë të lehta, pavarësisht moshës, por vdekja e bacës Fazli vjen në një moment të rëndë për familjen Veseli për shkak të rrethanave tanimë të njohura.
Sot ndaj dhembjen me mikun e bashkëluftëtarin tim Kadriun dhe mbarë familjen Veseli!
Baca Fazli u prehtë në paqe”, ka shkruar më tej kreu i AAK-së, njofton Klan Kosova.
