Haradinaj, deputetëve të LDK-së: Marre u qoftë

Kryeministri i Kosovës, Ramush Haradinaj, u është drejtuar deputetëve të Lidhjes Demokratike të Kosovës, duke u thënë se atyre duhet t’u vije turp për faktin se nuk po pranojnë një raport të hartuar nga komisioni i shtetit të Kosovës për demarkacionin me Malin e Zi, njofton Klan Kosova. “Qeveria e vendit ka formuar një komision për t’i parë dilemat. Ai nuk është i Ramush Haradinajt, por i Kosovës. Çka keni që po u pengon ai. A mundem ta di? Marre ju koftë, nëse po u pengon që po lëvizet guri atje. Asgjë në rregull nuk keni – s’po ju vije marre. Ky raport është duke u penguar”, ka deklaruar Haradinaj. “Komisioni shtetëror ka prodhuar një raport, përse po iu dhemb ai raport?  Deklaratën e presidentëve po e pranoni, por jo edhe raportin”.  

klankosova.tv