Haradinaj: BE-ja e pasuksesshme në Ballkan

Ramush Haradinaj, në një tryezë politike me temën “Ndërtimi i raporteve shqiptaro-serbe” që po mbahet në Mitrovicë, e ku po marrin pjesë personalitete të rëndësishme nga jeta politike në vend, si dhe përfaqësues diplomatikë nga shumë vende, duke folur për Bashkimin Evropian, tha se BE-ja po tregohet e pasuksesshme në Ballkan, njofton Klan Kosova. Rasti i Kosovës, e cila vazhdon akoma të jetë në një fazë tranzicioni, rasti i moszgjidhjes së çështjes së emrit të Maqedonisë si dhe Greqia, janë vetëm disa shembuj mossuksesi të BE-së në Ballkan. Haradinaj tha se konferenca e sotme është një rast i mirë që të harrohen tabutë dhe gjërat të thuhen hapur. Kosova duhet ta përfundojë atë që quhet fazë e tranzicionit dhe të përfshihet seriozisht në të gjitha proceset integruese.

klankosova.tv