Rreth një orë pas njoftimit për mbyllje të kufirit mes Kosovës dhe Maqedonisë së Veriut, në pikën kufitare të Glloboqicës, njoftohet se ajo tashmë është rihapur.
Mbyllja e saj erdhi si pasojë e zjarreve që kishin përfshirë Jazhincën nga ana e Maqedonisë së Veriut.
Siç njofton Qendra Kombëtare për Menaxhim Kufitar, pala maqedonase e ka njoftuar palën kosovare për lokalizimin e zjarrit.
“Ju njoftojmë se rreth orës 16:55, nga pala maqedonase kemi pranuar konfirmimin që zjarri i raportuar me herët ‘është lokalizuar’, dhe hapet kufiri për qarkullim të lirë të automjeteve dhe personave në PKK Glloboqicë, respektivisht Kosovë-Maqedoni e Veriut dhe anasjelltas”, ka shkruar QKMK-ja.
https://klankosova.tv/mbyllet-pika-kufitare-ne-glloboqice-me-maqedonine-e-veriut-per-shkak-te-zjarreve51/
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
