“Handicap” hap biznesin e ambalazhimit të sheqerit

Shoqata e Personave me Aftësi të Kufizuara “Handicap” në bashkëpunim me Komunën e Ferizajt, kryetarin, z. Muharrem Svarqa dhe Ministrinë e Punës dhe Mirëqenies Sociale, z. Arban Abrashi ka hapur biznesin për ambalazhimin e sheqerit, njofton Klan Kosova.

Në këtë biznes  do të punësohen edhe disa persona me aftësi të kufizuara.

Me këtë rast, ministri Abrashi dhe kryetari Svarqa, u premtuan udhëheqësve të realizimit të këtij projekti, që Ministria e Punës dhe Mirëqenies Sociale dhe Komuna e Ferizajt do të vazhdojnë përkrahjen edhe në aspektin e operimit të këtij biznesi social.

Edhe me këtë rast, ministri Abrashi ritheksoi se orientimi i Qeverisë së Republikës së Kosovës vazhdon të jetë ndërmarrja e të gjitha hapave që sigurojnë rritje të mirëqenies sociale, veçmas të personave në gjendje vunerable.
Kryetari i shoqatës, z. Ylber Selmani, ka falënderuar ministrin Abrashi dhe kryetarin Svarqa, për përkrahjen e pa rezervë në realizimin e këtij projekti.