Lajmet e fundit
Banorët e Fshatit Hajvali kanë protestuar të dielën lidhur me punimet e lëna përgjysmë në infrastrukturën rrugore dhe atë të kanalizimit në këtë zonë.
Ata po ankohen për lokacionin e pusetave të cilat qëndrojnë të hapura dhe sistemin e gypave të kanalizimit.
Sipas banorëve, kompania e kontraktuar nga Komuna e Prishtinës për përmirësimin e infrastrukturës rrrugore dhe të ujësjellësit ka dëmtuar rrugën aktuale, ku si pasojë e kësaj shumë banorë kanë pësuar lëndime nga pusetat e hapure, mirëpo ka pasur edhe dëmtime të makinave.
Njëri nga banorët tha për Klan Kosova se ka biseduar në vazhdimësi me drejtorin e infratrukturës, Hysen Durmishi i cili vazhdimisht ka premtuar se punimet do të fillojnë këtë javë derisa dje ky i fundit as nuk i`u është përgjigjur në telefon.
