Hailey Baldwin duket se është kujdesur shumë për pamjen e saj në premierën e serisë së dokumentarëve për burrin e saj.
Modelja 23 vjeçare ka ecur në tapetin e kuq me Justin Bieber për të festuar lansimin e shout të këtij të fundit në YouTube
“Justin Bieber: Seasons” e veshur me një fustan të zi shumë seksi.
Fustani i mbuluar me xixa ishte nga koleksioni i pranverës për vitin 2020 nga Zuhair Murad të cilin e kishte kombinuar me sandale me rripa, po ashtu të zeza, nga Sergio Rossi.
Gjithë pamjen e saj e kishte kompletuar me bizhuteri nga Messika – vathë me 5.1 karatë diamantëdhe një unazë diamanti hiç më të lirë se 15.200 dollarë.
Baldwin dhe Bieber duket se nuk mund të mbanin duart larg njëri-tjetrit, ani se ishin duke parakaluar në tapetin e kuq.
Këngëtari – i veshur me pulovër të bardhë, pantollona ngjyrë rozë dhe qafore me diamantë - e ka puthur dhe përqafuar bashkëshorten e tij.
Seria e dokumentarëve pritet të shfaqë detaje intime nga dasma dhe martesa e Bieber, thyerjen e vitit 2017 që e shtyu atë të anulojë turneun botëror
“Purpose” dhe të gjithë sfidat që ai i pati viteve të fundit, duke e përfshirë edhe faktin se ai ishte diagnostifikuar me sëmundjen Lyme.
