Gucati: Ish-ushtari i UÇK i arrestuar nga Serbia mund të maltretohet nga grupi i Arkanit (VIDEO)

Avokati Arianit Koci ka bërë të ditur se ish-ushtari i UÇK-së, Mit’hat Llozhani, i arrestuar nga policia serbe nën pretendimet për krime lufte, nuk është në gjendje të mirë shëndetësore dhe ndodhet në rrezik.

Kryetari i OVL-UÇK-së, Hysni Gucati, ka folur për këtë  në emisionin “Kosova Today”, duke thënë se ka frikë se Llozhani mund të keqtrajtohet.

 Ai përmendi se situata bëhet më shqetësuese duke marrë parasysh se ish-ushtari thuhet se ndodhet në mesin e grupit famëkeq të Arkanit.

“Tash edhe kur të kuptojnë se djali është veteran i UÇK-së, është e qartë se do të maltretohet dhe shantazhohet në çdo mënyrë. Nuk kam frikë vetëm për maltretimin nga forcat atje, pasi ato janë paramilitare dhe gjysma e tyre përdorues të drogës, sidomos grupi i Arkanit, të cilët mund të bëjnë keqtrajtime në çdo formë”, tha Gucati.

https://youtu.be/QyUV4S6779I