Gruaja që notoi në det të ftohtë 100 ditë radhazi thotë se iu lehtësuan dhimbjet e migrenës

Personat që vuajnë nga migrena mund t'i lehtësojnë dhimbjet përmes notit në det. Nje person i prekur nga kjo sëmundje, që filloi të notonte në det të ftohtë për të parë nëse do ta ndihmonte në lehtësimin e simptomave, është në përfundim të sfidës së 100 ditore. Beth Francis nga Anglesey ka parë sulmet e saj të migrenës të zvogëlohen nga 25 në 15 në muaj që nga fillimi i kësaj rutine. Ajo nuk është e sigurt nëse stërvitja, të ndenjurit jashtë apo noti e kanë ndihmuar. Por ajo është zotuar të vazhdojë dhe ka ftuar të tjerët t'i bashkohen në notimin e 100-të në Plazhin e Llanddona të dielën në ora 13:00. Ekspertë të trajtimit të migrenës kanë thënë se ka pasur dëshmi popullore se stërvitja si dhe dushet e ftohta mund të ndihmojnë disa të sëmurë, edhe pse stërvitja mund të jetë gjithashtu një nxitje për të tjerët.