Gruaja e zhdukur në Kaçanik ende s’është gjetur, policia konfirmon se kërkimet po vazhdojnë

Gruaja e zhdukur në Kaçanik ende nuk është gjetur, derisa policia ka konfirmuar se kërkime po vazhdojnë. Policia ka bërë të ditur se në mbështetje të këtij operacioni janë angazhuar edhe Shoqata e Kosovës për Kërkim-Shpëtim, siç thuhet në njoftim, me operatorë në terren, dronë të sofistikuar dhe motoçikleta për terren të vështirë, Forca e Sigurisë së Kosovës, me pjesëtarë aktivë në kërkime dhe qytetarë vullnetarë. “Më datë 27.04.2025, rreth orës 04:35, është raportuar zhdukja e H.J., 54 vjeçe, nga fshati Runjevë i Kaçanikut. Sipas familjarëve, ajo ka dalë nga shtëpia në orët e hershme të mëngjesit dhe nuk është kthyer më”. “Kërkimet kanë vazhduar pandërprerë që nga momenti i raportimit dhe janë në zhvillim edhe aktualisht. Në terren po përdoren edhe dronë me kamera termike për të ndihmuar në lokalizimin e personit të zhdukur. Deri në këto momente, H.J. ende nuk është gjetur dhe peracioni do të vazhdojë”, thuhet në njoftimin e policisë./Klankosova.tv.