Grenelli dëshmoi para jurisë së madhe të Jack Smithit, thotë se iu ndalua të flasë për dëshminë

Emisari i misioneve speciale, i caktuar nga presidenti Donald Trump, ka njoftuar se ka dëshmuar para jurisë së madhe të këshilltarit special të dorëhequr, Jack Smith.

Richard Grenell tha se Departamenti i Drejtësisë dhe prokurorët i kanë thënë që të mos japë informacione mbi dëshminë e tij, raporton Klankosova.tv.

“Dëshmova përpara jurisë së madhe të Jack Smithit. Departamenti i Drejtësisë dhe prokurorët e Jack Smith më thanë drejtpërdrejt se nuk mund të flisja për dëshminë time ose rrezikoja veprime ligjore”, tha Grenell në një postim në X.

Ai tha se senatorët Blumenthal dhe Whitehouse duhet t'i pyesin ata avokatë se pse i udhëzuan dëshmitarët në këtë mënyrë.

Në ndërkohë, ai njoftoi se ka pasur edhe një takim me presidentin Trump.

“Është i fokusuar për më të mirën e Amerikës dhe popullit të Amerikës”, tha Grenelli për Trumpin, pas takimit.