Gonzales: Casilla s'e refuzon dot Realin

Trajneri i Espanyolit, Sergio Gonzales ka pasur të mërkurën paraqitjen e parë për media, në kuadër të parasezonit. Në të ai shfrytëzoi rastin të flasë për disa çështje, përfshirë edhe të ardhmen e gardianit, Kiko Casilla.

Gonzales tha se “Espanyol është me fat që ka dikë si Casilla”.

“Ai është personalitet komplet. Stërvitet me dëshirë dhe nuk do që të ushtrojë kurrfarë presioni”.

Duke folur për mundësin e kalimit të numrit një të portës së skuadrës, ai tha se interesimi i Madridit është tërheqje e madhe për secilin, normalisht edhe për Casillan.

“Është mundësi e madhe, të cilës nuk mund t’i thuhet jo”.

“Disa oferta duhen peshuar, por jo edhe kjo. Ky është mendimi im si ish-futbollist”.