Lajmet e fundit
Presidenti i SHBA-së, Donald Trump, ka nënshkruar një urdhër për dyfishimin e tarifave doganore për importet e çelikut dhe aluminit, nga 25% në 50%, raporton BBC, transmeton Klankosova.tv
Vendimi, që hyn në fuqi të mërkurën, shënon herën e dytë që tarifat për këto metale që përdoren gjerësisht në industri si ajo automobilistike dhe e ushqimeve të konservuara rriten që nga muaji mars.
Sipas Trump, këto masa kanë për qëllim të mbrojnë dhe sigurojnë të ardhmen e industrisë amerikane të çelikut.
Megjithatë, kritikët paralajmërojnë se tarifat e reja mund të dëmtojnë rëndë prodhuesit e huaj, të nxisin masa hakmarrëse nga partnerët dhe të kenë kosto të larta për konsumatorët dhe kompanitë amerikane që përdorin këto materiale.
