Gjuhet me ngjyrë objekti i Qeverisë (VIDEO)

Aktivistët e Vetëvendosjes kanë gjuajtur me ngjyrë objektin e Qeverisë së Kosovës, njofton Klan Kosova. Ky aksion i Vetëvendosjes ka ardhur si revoltë e tyre ndaj moszbardhjes së rrethanave të vdekjes së Astrit Deharit. Sot gjatë ditës aktivistët e Vetëvendosjes, familjarët dhe disa deputetë të këtij subjekti politik kanë bërë homazhe tek varri i Deharit dhe më pas nga biblioteka kombëtare kanë marshuar drejt qeverisë. Aty ka mbajtur fjalim deputeti Albin Kurti i cili edhe ka paralajmëruar se pesë shkurti është afati i fundit për institucionet e Kosovës që ta shpjegojnë vdekjen, deri më tani të dyshimit, të Deharit. Ata tek objekti i qeverisë kanë vendosur edhe një pano me kërkesat e tyre. Mes kërkesash është edhe shkarkimi i ish-ministres, Dhuarat Hoxha, drejtorit të policisë, Shpend Maxhuni, komandantit të policisë në Prizren, Nexhmi Krasniqi dhe Fatos Makollit, drejtorit të njësisë kundër-terrorizëm. Me ketë pano, do t'ia kujtojmë çdo ditë qeverisë kërkesat tona, e ndoshta nuk harrojnë të vënë drejtësi”, ka deklaruar kryetari i VV-së, Visar Ymeri.

klankosova.tv