Gjithçka gati për Koncertin Unikal në Klan Kosova (FOTO)

Në qendrën kulturore Klan Kosova sonte organizohet koncert i madh me fillim nga ora 19:00, me rastin e festave të fundvitit. Para qindra shikuesve, do të perfomojnë yjet e muzikës popullore shqiptare, Kastriot Tusha, Manjolla Nallbani, Vikena Kamenica, Leonora Jakupi, Yllka Kuqi dhe Selami Kolonja. Kastriot Tusha është shprehur tejet i kënaqur me organizimin e këtij koncerti dhe premtoi një natë përplot emocion. “Do të jetë një mbrëmje e bukur që do të ngelet si emocion i mirë tek spektatorët” “Programi do të jetë i larmishëm, është një përzgjedhje që ka për qëllim të bëj disa thyerje” është shprehur Kastriot Tusha. Interesimi për këtë ngjarje ishte tejet i madh, ndërsa ky koncert do të transmetohet edhe në television në netët festive të vitit të ri.