Lajmet e fundit
Komiteti i Gjilanit për menaxhimin dhe parandalimin e përhapjes së COVID-19, ka mbajtur sot mbledhjen e radhës, nën kryesimin e drejtorit të Shëndetësisë, Selami Xhemaili.
Në këtë takim është vlerësuar si lajm i mirë trendi i rënies së numrit të infeksionit në Gjilan, transmeton Klan Kosova.
Është apeluar tek qytetarët që të vazhdojnë t’iu përmbahen rekomandimeve të institucioneve për bartjen e maskave, distancën sociale dhe higjienën personale.
Që nga fillimi i pandemisë Gjilani ka raportuar për 1023 të infektuar në total, 910 të shëruar plotësisht, 69 raste aktive, 19 të hospitalizuar, 44 të vdekur dhe 30 mostra në pritje.
