Gjakovë: Plagoset shtetasi i Shqipërisë, sulmuesit "i kërkuan ndihmë për automjetin në defekt”

Një shtetas i Shqipërisë është plagosur në fshatin Nec të Gjakovës. Viktima i cili është jashtë rrezikut për jetë, ka deklaruar te organet e rendit se dy personat që thotë se e kanë sulmuar i kishin kërkuar ndihmë me pretendimin se automjeti i tyre kishte defekt. Sipas tij, të dyshuarit më pas e kanë goditur me shufra metalike, dhe e kanë plagosur me armë zjarri. Lajmi u konfirmua nga drejtori i policisë për rajonin e Gjakovës Lumni Graishta, në një përgjigje për Klankosova.tv. Graishta mes tjerash tha se nuk dihen shkaqet që dërguan deri te ngjarja.