Të shkruash libër për mentalitetin dhe kulturën e një qyteti nuk është e lehtë.
Pasi qëndrimet dhe vlerësimet subjektive ndryshojnë nga një individ tek tjetri, është e pritshme që të mos ketë pajtueshmëri për aspektet pozitive dhe negative të shoqërisë në një qytet të caktuar.
Mirëpo, Profesor Gëzim Gjini ka vendosur që – përkundër vështirësive të konsiderueshme që paraqet puna në mbledhjen dhe sistematizimin e veçorive kulturore, sociale dhe gjuhësore – ta shkruajë një libër/kronikë për qytetin e Gjakovës.
Në një prononcim për Klan Kosovën, Profesor Gjini ka shpalosur arsyet që e nxitën ta realizojë veprën "Gjakova në Kronikë", si dhe ecurinë e procesit krijues.
"Kam synuar të kontribuoj për qytetin tim".
"Ky lloj i librit publicistik është i pari i këtij lloji tek ne".
"Është mishërim i historisë, shkencës, fesë, arsimit, traditës, zakoneve, anekdotave, të pathënave, satirës, besëtytnive, shprehjeve specifike gjakovare, e shumë të tjera".
"Një material i mbledhur me vite, por i kurorëzuar pas një pune intensive për katër muaj".
Ai ka treguar edhe për planet e mëtutjeshme.
"Posedoj edhe 250 faqe material, si shtesë e librit".
"Libri si vazhdim do t'i ketë 450-500 faqe".
Gëzim Gjini
Muharrem Kurti, redaktor i librit, tha se ky libër ka rëndësi të posaçme për Gjakovën.
“Ky libër do të thotë dokumentim i kronikave të periudhave të ndryshme kohore – të kaluarën dhe të tashmen, dekadë pas dekade, vit pas viti, ditë pas dite. Libri ka vlera të veçanta për qytetin tonë Gjakovën”.
Muharrem Kurti
Recensuesi i librit, Mexhid Yvejsi, sugjeroi që ky libër duhet të lexohet me kënaqësi.
“Është një libër enciklopedik – përfshin gjërat kryesore për Gjakovën, jo të gjitha por aq sa ka mundur autori”.
“Ky libër përmbledh histori, gjeografi, mjekësi, humor, satirë, anketoda dhe muhalife të Gjakovës”.
Mexhid Yvejsi
Në promovimin e librit morri pjesë edhe Ardian Gjini, i afërm i autorit dhe nënkryetari i Aleancës për Ardhmërinë e Kosovës, i cili tha fjalë inkurajuese për autorin.
“Unë ta di përkushtimin, ta di precizitetin, ta di këmbënguljen, andaj urime për librin”, tha Gjini, njofton Klan Kosova.
Ardian Gjini
Kronikë e realizuar nga TV Syri Vision.
https://www.youtube.com/watch?v=Dl0jxG4pbNY
klankosova.tv
