"Gjahu" i Atletico Madrid zhvendoset në Stamboll

Atletico Madrid vazhdon kërkimin për një anësor ofensiv dhe emri më i fundit në listë është ai i Yunus Akgin. 25-vjeçari i Galatasarayt ka shkëlqyer si në klub ashtu edhe me kombëtaren e Turqisë, duke tërhequr vëmendjen e skautëve të madrilenëve. Sipas mediave turke, përfaqësues të Atleticos ndoqën nga afër paraqitjen e tij në miqësoren Turqi–Spanjë në Konya, ndërsa lojtari pritet të monitorohet edhe në ndeshjet e Champions League. Akgun ka kontratë deri në vitin 2028 dhe Galatasaray nuk do të jetë e gatshme ta lërë të largohet në janar, përveçse në rast të një oferte të majme. Profili i tij i përshtatet skemës së Diego Simeones: lojtar i shpejtë, driblues dhe i fortë në presing, një armë që do t’i shtonte alternativat në krahun e djathtë të sulmit. Vlera e tij në treg është rreth 14 milionë euro, por mund të rritet nëse vazhdon me këto paraqitje.