Gazetarja ukrainase e strehuar në Kosovë, e shkathtë edhe në vizatim

Gazetarja ukrainase, Ludmilla Makey, e cila ka gjetur strehim në Kosovë, është goxha e zhdërvjelltë edhe në art. Gazetarit Drin Demiri, ajo i ka dhuruar një vizatim të vetin sipas stilit tradicional ukrainas, Petrykivka. Ky model vizatimi, që ka natyrë dekorative me lule kryesisht me ngjyrë të kuqe, verdhë, pembe apo portokalltë, ka një traditë prej më shumë se dy shekujsh, dhe ka nisur pikërisht në fshatin Petrykivka, fillimisht si dekor muresh të shtëpive. I njëjti ka zënë vend edhe në artin modern në Ukrainë, dhe që nga viti 2013 është marrë në mbrojtje edhe nga UNESCO.