Gazeta Guardian lëvdon Besnik Hasin

Gazeta prestigjioze angleze The Guardian i ka bërë një analizë të detajshme shortit të Ligës së Kampionëve për sezonin 2017/18  dhe ekipeve të secilit grup. Në analizën për Grupin D –  i cili mbase është edhe grupi i vdekjes për këtë sezon – Guardian ia ka kushtuar disa rreshta trajnerit shqiptar, Besnik Hasi, për të cilin ka shkruar se e ka ringjallur ekipin grek Olympiakos, njofton Klan Kosova. Ekipi i Hasit ka përballje shumë të vështira me Barcelonën, Juventusin e Sportingun e Lisbonës, por Guardian duke analizuar të katër klubet, shkruan se Olympiakos do të duhej të përfundonte në vendin e tretë – vend që e eliminon nga Liga e Kampionëve, por që i mundëson vazhdim të aventurës në Europa Ligë. “Olympiakos do të duhej të përfundonte në vendin e tretë në këtë grup dhe po gëzon rilindjen e klubit nën urdhrat e menaxherit të ri, Besnik Hasi”, shkruan Guardian. Klubi grek ka shpenzuar mbi 20 milionë euro në blerjen e lojtarëve këtë verë.

klankosova.tv