Gashi: "Seanca e bufesë" u vonua shkaku i Xhavit Halitit

Deputeti i Lidhjes Demokratike të Kosovës, Arben Gashi, në Info Magaizne në Klan Kosova, ka folur për zhvillimet e fundit politike në vend. Gashi ka thënë se akuzat për përdorim të alkoolit në Kuvend është e paverifikuar, duke e cilësuar si çështje diskursi më shumë se gjithçka tjetër, njofton Klan Kosova. "Akuza për deputetët e opozitës se po përdorin alkool është e paidentifikuar. Ndonëse videot janë shpërndarë nën dyshimet se po pihet alkool, një gjë e tillë s’është verifikuar". "Diskursi ku flitet për alko-test e narko-test është diskurs negativ që e ka përfshirë klasën politike". Ai poashtu ka komentuar kërkesën e Xhavit Halitit për t'ua hequr mëditjet anëtarëve të Komisionit për Integrime Europiane që nuk ishin prezent në mbledhje. Gashi poashtu ka treguar edhe shkakun e vonesës së mbajtjes të "seancës së bufesë". "Veprimi Xhavit Halitit dje në Komisionin për Integrime Europiane ka qenë i gabuar. Të kërkohet që të na hiqen mëditjet s’i takon atij". "Ai ka dhënë një deklaratë palidhje me qëllim që të shkaktojë konfuzitet. Unë e kam njoftuar kryesinë e komisionit se nuk do të shkoj në atë mbledhje. "Haliti është përgjegjës për shkeljet procedurale sa i përket mbledhjes së djeshme". "Arsyeja se pse kemi pritur ne atë natë aq gjatë për seancë, ishte pritja e Xhavit Halitit që të kthehej nga Shqipëria, sepse pa të s’mund të mbahej mbledhja e Kryesisë për shkak të mungesës së kuorumit".

klankosova.tv